ജാതി മത രാഷ്ട്രീയ ഭേദമന്യേ ജീവകാരുണ്യ പ്രവര്‍ത്തനങ്ങള്‍ക്ക് മുന്‍തൂക്കം നല്‍കി അപകടങ്ങളില്‍ പെടുന്ന സഹജീവികളെ കഴിയും വിധം രക്ഷപ്പെടുത്തുക , അവശത അനുഭവിക്കുന്ന സമൂഹത്തിലെ താഴെ തട്ടിലുള്ളവര്‍ക്ക് ചികിത്സാ സഹായങ്ങള്‍ ചെയ്യുക തുടങ്ങിയ സദുദേശങ്ങളായ പ്രവര്‍ത്തനങ്ങള്‍ ലക്ഷ്യം വെച്ചാണ് തൊഴിയൂര്‍ ലൈഫ് കെയര്‍ ചാരിറ്റബിള്‍ സൊസൈറ്റി രൂപം നല്‍കിയത്. തൊഴിയൂരിലും പരിസരപ്രദേശങ്ങളിലുമുള്ള നിരവധി കുടുംബങ്ങള്‍ കഴിഞ്ഞ നാലു വര്‍ഷത്തോളമായി പ്രതിഫലം ഇച്ഛിക്കാത്ത ഈ സേവനത്തിന്റെ സ്‌പര്‍ശം അറിഞ്ഞുതുടങ്ങിയിട്ട്‌.
പോയ വര്‍ഷങ്ങളിലെ ജീവകാരുണ്യ പ്രവര്‍ത്തനങ്ങള്‍ കൊണ്ട് പൊതുജനങ്ങള്‍ക്ക് പ്രിയങ്കരമായിത്തീര്‍ന്നിരിക്കുന്നു ലൈഫ് കെയര്‍ ചാരിറ്റബിള്‍ സൊസൈറ്റി , തികച്ചും സുതാര്യമായ രീതിയിലുള്ള പ്രവര്‍ത്തങ്ങളിലൂടെ സംഘടനയെ ജനകീയമാക്കാനും സാമൂഹികശ്രദ്ധ പിടിച്ചു പറ്റാനും ഈ കുറഞ്ഞ കാലയളവിന്നുള്ളില്‍ പ്രവര്‍ത്തകര്‍ക്ക് കഴിഞ്ഞു എന്നതില്‍ പിന്നണിയിലുള്ളവര്‍ക്ക് അഭിമാനിക്കാം.
സൊസൈറ്റിയുടെ പ്രവര്‍ത്തന മേഖല വിപുലപ്പെടുത്താനും കൂടുതല്‍ ജനകീയമാക്കുന്നതിനും വേണ്ടി രൂപം നല്‍കിയ വെബ്സൈറ്റിന്റെ ഉല്‍ഘാടനം കഴിഞ്ഞ മാസാവസാനം വിദ്യാഭ്യാസ പുരസ്‌ക്കാരവും ധീരതക്കുള്ള അവാര്‍ഡും വിതരണം ചെയ്യുന്നതിന്നായി കൂടിയ പൊതുയോഗത്തില്‍ വെച്ച് ബഹു : ഇ .എം .ഉമ്മര്‍ സാഹിബ് നിര്‍വഹിച്ചു.
സൊസൈറ്റിയുടെ വെബ്സൈറ്റ് സന്ദര്‍ശിക്കാന്‍ :
ഹൃദയംഗമമായ ആശംസകള്
ReplyDelete