Thozhiyur.com: ഫോട്ടോസ്

Showing posts with label ഫോട്ടോസ്. Show all posts

ഡ്രൈവറെ മാര്‍ദ്ധിച്ചു അവശനാക്കി ഓട്ടോറിക്ഷ കത്തിച്ചു.

2/27/2015 തൊഴിയൂര്‍, ഫോട്ടോസ്, വാര്‍ത്ത No comments

തൊഴിയൂര്‍ ഐ.സി.എ കോളേജിന്റെ അടുത്തായുള്ള പാടത്തിനു നടുവിലുള്ള നീര്‍ ചാലില്‍ ഒരു ഓട്ടോറിക്ഷ പൂര്‍ണ്ണമായി കത്തിച്ചു നശിപ്പിച്ച നിലയില്‍ കണ്ടെത്തി , ഡ്രൈവറെ മര്‍ദ്ദിച്ചു അവശനാക്കിയ നിലയില്‍ കണ്ടെത്തി ഹോസ്പിറ്റലില്‍ പ്രവേശിപ്പിച്ചു , പാവറട്ടി സ്വദേശിയാണെന്ന് പറയുന്നു , പോലീസ്‌ കേസെടുത്ത്‌ അന്വേഷണം തുടങ്ങിയിട്ടുണ്ട്.

ടീം തൊഴിയൂരിന്റെ പുതുവത്സരാഘോഷം.

1/05/2015 തൊഴിയൂര്‍, ഫോട്ടോസ്, വാര്‍ത്ത, സംഘടന No comments

പുതുവത്സര ആഘോഷത്തിന്റെ ഭാഗമായി ഡിസംബര്‍ മുപ്പത്തി ഒന്നാം തീയ്യതി വൈകുന്നേരം തൊഴിയൂരിന്റെ പ്രധാന വീഥികളിലൂടെ ടീം തൊഴിയൂര്‍ ഒരുക്കിയ വര്‍ണ്ണക്കാഴ്ച കടന്നു പോവുന്നു.

ആഘോഷത്തിന്റെ ഭാഗമായി കേക്ക് മുറിച്ചപ്പോള്‍

ടീം തൊഴിയൂരിന്റെ ഒരു കൈ സഹായം അബൂബക്കര്‍ ,നഫീസ എന്നിവര്‍ക്ക് .

തൊഴിയൂരിന് അഭിമാനമായി നമാസ് കണ്‍വെന്‍ഷന്‍ സെന്‍റര്‍ .

12/21/2014 തൊഴിയൂര്‍, ഫോട്ടോസ്, വാര്‍ത്ത, സ്ഥാപനം No comments

നാടിന്റെ ഒരു അഭിമാനസ്തംഭമായി തൊഴിയൂരിന്റെ വടക്കേ പ്രവേശന കവാടത്തില്‍ പുതുതായി ഉയര്‍ന്നു വന്ന അന്താരാഷ്ട്ര നിലവാരത്തോടുകൂടിയുള്ള നമാസ് ഇന്റര്‍നാഷണല്‍ കണ്‍വെന്‍ഷന്‍ സെന്‍റര്‍ ഇന്ന് (20-12-2014 ശനിയാഴ്ച) വൈകുന്നേരം കേരള ആഭ്യന്തരമന്ത്രി ശ്രീമാന്‍ : രമേശ്‌ചെന്നിത്തല ഉത്ഘാടനം നിര്‍വ്വഹിച്ചു , തൃശ്ശൂര്‍ എം.പി. ശ്രീ: സി.എന്‍.ജയദേവന്‍ മുഖ്യാതിഥിയും , ഗുരുവായൂര്‍ എം.എല്‍.എ.ശ്രീ: കെ.അബ്ദുള്‍ഖാദര്‍ അധ്യക്ഷനുംആയിരുന്നു. കൂടാതെ പല പ്രമുഖരും തദവസരത്തില്‍ സന്നിഹിതരായിരുന്നു .

ഗുരുവായൂര്‍ നിന്ന് മമ്മിയൂര്‍ ആനക്കോട്ട തമ്പുരാന്‍പടി വഴി പൊന്നാനി റോഡില്‍ നാലര കിലോമീറ്റര്‍ വടക്ക് ഭാഗത്തായും കുന്നംകുളത്ത് നിന്ന് അഞ്ഞൂര്‍ ആല്‍ത്തറ വഴി പൊന്നാനി റോഡില്‍ എട്ടു കിലോമീറ്റര്‍ പടിഞ്ഞാറ് മാറിയുമായി അഞ്ഞൂര്‍ റോഡ്‌ ജങ്ക്ഷനിലാണ് ഈ കണ്‍വെന്‍ഷന്‍ സെന്റര്‍ സ്ഥിതിചെയ്യുന്നത്.

പൂര്‍ണ്ണമായും എയര്‍കണ്ടീഷന്‍ ചെയ്ത ആയിരത്തിഎണ്ണൂറു പേരെ ഉള്‍ക്കൊള്ളുന്ന വിശാലമായ ഓഡിറ്റൊറിയം, ആയിരം പേരെ ഉള്‍ക്കൊള്ളുന്ന രണ്ടു ഡൈനിംഗ് ഹാളുകള്‍ ,സ്ത്രീകള്‍ക്കും പുരുഷന്മാര്‍ക്കും പ്രത്യേകം വിശ്രമസ്ഥലങ്ങള്‍ പ്രയര്‍ ഹാളുകള്‍ ,കുട്ടികള്‍ക്കായി അമ്യുസ്മെന്റ്റ്‌ പാര്‍ക്ക് , അയ്യായിരത്തിലേറെ വാഹനങ്ങള്‍ പാര്‍ക്ക് ചെയ്യാവുന്ന വിശാലമായ പാര്‍ക്കിംഗ് ഏരിയ , പ്രോഗ്രാമുകള്‍ തത്സമയം എയര്‍ ചെയ്യാവുന്ന ആധുനിക ടെക്നോളജി തുടങ്ങി ഒട്ടേറെ സൌകര്യങ്ങള്‍ ഇവിടെ ഒരുക്കിയിട്ടുള്ളതായി ഉടമസ്ഥര്‍ അറിയിക്കുന്നു.

കണ്‍വെന്‍ഷന്‍ സെന്ററുമായി ബന്ധപ്പെടാനുള്ള നമ്പറുകള്‍ : 9388778777 - 9447530389

കൂടുതല്‍ വിവരങ്ങള്‍ അറിയാന്‍ സന്ദര്‍ശിക്കുക : http://www.namasconventioncentre.com/

അതോഗതിയിലായ ട്രാന്‍സ്‌ഫോര്‍മര്‍

6/21/2013 ഫോട്ടോസ്, വാര്‍ത്ത 5 comments

തൊഴിയൂര്‍ സുനേന നഗര്‍ സെന്ററില്‍ സ്ഥിതി ചെയ്യുന്ന 11 KV ട്രാന്‍സ്‌ഫോര്‍മര്‍ സെന്ററിലേക്ക് പടിഞ്ഞാറ് ഭാഗത്തെ റോഡില്‍ നിന്നുംകയറിവരുന്ന യാത്രക്കാരുടെ വലതു ഭാഗത്തേക്കുള്ള കാഴ്ച മറക്കുന്നതിനാല്‍ അപകടങ്ങള്‍ പതിവായിരുന്നു - അക്കാരണത്താല്‍ കഴിഞ്ഞ ദിവസമാണ് നൂറു മീറ്ററോളം ദൂരത്തേക്ക് ഈ ട്രാന്‍സ്‌ഫോര്‍മര്‍ മാറ്റിസ്ഥാപിച്ചത് , എന്നാല്‍ അന്നേ ദിവസം തന്നെ വൈകുന്നേരം ഇത് വലിയ പൊട്ടിത്തെറിയോടെ കത്തി നശിക്കുകയായിരുന്നു , തുടര്‍ന്ന് ദിവസങ്ങളോളം വൈദ്യുതി തടസ്സപ്പെടുകയും ചെയ്തു , ക്ഷമയുടെ നെല്ലിപ്പടി കണ്ട നാട്ടുകാര്‍ കരിങ്കൊടിയോടൊപ്പം ആദരാഞ്ജലികള്‍ അര്‍പ്പിച്ചു കൊണ്ടുള്ള ബാനറും ഒട്ടിച്ചു പ്രതിഷേധം അറിയിക്കുകയായിരുന്നു . ഇപ്പോള്‍ അറ്റകുറ്റ പണികള്‍ നടന്നു വരുന്നു .

തൊഴിയൂര്‍ . കോം

4/17/2010 തൊഴിയൂര്‍, ഫോട്ടോസ് No comments

ഇത് ഞങ്ങളുടെ പ്രിയപ്പെട്ട ജന്മനാട്, തൃശൂര്‍ ജില്ലയുടെ വടക്ക് പടിഞ്ഞാറ് കോണിലായി അറബിക്കടല്‍ തീരത്തുനിന്നും ഏഴെട്ടു കിലോമീറ്റര്‍ കിഴക്കായി റോഡുകളും തോടുകളും പാടങ്ങളും ഇടവഴികളും കുളങ്ങളും പള്ളികളും അമ്പലങ്ങളും നന്മനിറഞ്ഞ നിഷ്കളങ്കരായ സാധാരണ ജനങ്ങളുമുള്ള പ്രശാന്ത സുന്ദരമായ ഗ്രാമം, ഗുരുവായൂര്‍ കുന്നംകുളം ചാവക്കാട് എന്നിവ അടുത്ത പട്ടണങ്ങളാണ് , ഞങ്ങള്‍ക്ക് അറിയാവുന്ന അത്രയും തലമുറകള്‍ തൊഴിയൂരിന്റെ മണ്ണില്‍ തന്നെ ജീവിച്ചവരാണ്.. പിറന്നുവീണ ഈ മണ്ണിനോട് എന്തോ പറഞ്ഞറിയിക്കാനാവാത്ത വല്ലാത്തൊരു അടുപ്പമുണ്ട് അതുകൊണ്ടുതന്നെ ഇവിടുത്തെ ഓരോ തരി മണ്ണും ഓരോ പുല്‍കൊടിയും ഓരോ ഇടവഴിയും; നീര്‍ച്ചാലും, ഓരോ വീടും വീട്ടുകാരനും ഞങ്ങള്‍ക്ക് പ്രിയപ്പെട്ടതാവുന്നത്.