തൊഴിയൂരിലെ ഒരു പാട് കുടുംബങ്ങള്ക്ക് താങ്ങും തണലുമായി തൊഴിയൂരില്ന്റെ പ്രിയപ്പെട്ട ഹൈദര് ഹാജി തുടക്കം കുറിച്ച് കഴിഞ്ഞ മുപ്പത്തഞ്ചോളം വര്ഷങ്ങളോളം നീണ്ട നിസ്വാര്ത്ഥ സേവനത്തിന്റെ പാരമ്പര്യവുമായി ഖത്തറില് പ്രവര്ത്തിച്ചുവരുന്ന ഫാമിലി ഫുഡ് സെന്റര് സുപ്പര് മാര്ക്കറ്റും സഹോദര; കൂട്ട് സ്ഥാപനങ്ങളും ചേര്ന്ന് ഇക്കഴിഞ്ഞ ബക്രീദ് ദിനമായ ഒക്ടോബര് 26ന് വെള്ളിയാഴ്ച ഫാമിലിഫീസ്റ്റ്'12 വളരെ വിപുലമായ രീതിയില് ആഘോഷിച്ചു, ദോഹയിലെ ഷെരാട്ടണ് ഹോട്ടല് ഹാളില്വെച്ച് വൈകീട്ട് രണ്ടു മണിക്ക് തുടങ്ങി രാത്രി പന്ത്രണ്ടുമണി വരെ നീണ്ട ആഘാഷം ഫാമിലി ഗ്രൂപ്പ് സ്ഥാപനങ്ങളിലെ ഇന്ത്യ നേപ്പാള് ഫിലിപ്പെന്സ് ബംഗ്ലാദേശ് ശ്രീലങ്ക ഭൂട്ടാന് ഇന്തോനേഷ്യ തുടങ്ങിയ വ്യത്യസ്തരാജ്യങ്ങളില്നിന്നായുള്ള രണ്ടായിരത്തിലേറെ വരുന്ന ജീവനക്കാരും മാനേജ്മെനറും കുടുംബാംഗങ്ങളും കയ്യോട് കൈകോര്ത്ത് ഒരേമനസ്സോടെ അടുക്കും ചിട്ടയോടും കൂടി നടത്തിയ കലാ കായിക വിനോദ പരിപാടികളുടെ തിളക്കത്തില് വളരെ കെങ്കേമമായിരുന്നു ,തങ്ങള്ക്കിടയില്നിന്നും നിനച്ചിരിക്കാതെ വെര്പ്പെട്ടുപോയ സഹപ്രവര്ത്തകന് സുരേഷ് കുമാറിന്റെ വേദനാജനകമായ അകാലനിര്യാണത്തില് മൌനപ്രാര്ഥനകളോടെ ആരംഭിച്ച ഫീസ്റ്റുആഘോഷത്തില് മാസ്റ്റര് നസിം ജമാലില് പ്രാര്ത്ഥന നടത്തിയശേഷം ഗ്രൂപ്പ് സ്ഥാപനങ്ങളുടെ ജനറല് മാനേജര് പി പി ജമാല് സ്വാഗതം ആശംസിച്ചു, കുട്ടികള്ക്കായുള്ള വിനോദമത്സരങ്ങള്, ജീവനക്കാര് പങ്കെടുത്ത വടംവലിമത്സരം, ഗ്രൂപ്പ് ഡാന്സുകള് ഗാനങ്ങള് തുടങ്ങിയ പരിപാടികള് കൂടാതെ ക്ഷണിക്കപ്പെട്ട അതിഥികളായി എത്തിയ പ്രഥമഏഷ്യാനെറ്റ് സ്റ്റാര്സിംഗറും പ്രമുഖ പിന്നണി ഗായകനുമായ നജീം അര്ഷാദ്, കൈരളി ഗന്ധര്വസംഗീതം വിജയിയും പിന്നണി ഗായികയുമായ സിത്താര ബാലക്കൃഷ്ണന്, ഹിന്ദി സംഗീത ലോകത്തെ പുതു തരംഗങ്ങളായ ഇന്ത്യന് ഐടോള് ഫെയിം ശശി സുമന് ,ചാരു തുടങ്ങിയവരും സംഘവും ആടിയും പാടിയും പരിപാടികള്ക്ക് കൊഴുപ്പേകി, പ്രമുഖ ഫിലിപ്പെന്സ് ബാന്ഡ് ലിപ്സ്റ്റിക് , നേപ്പാള് ഫോക് ഡാന്സ് ഗ്രൂപ്പുകള് തുടങ്ങിയവരുടെ പരിപാടികളും ആഘോഷത്തിന് മിഴിവേകി.
കമ്പനിയുടെ സ്പോണ്സര്മാരും സഹോദരന്മാരുമായ അബ്ദുല് അസീസ് അന്സാരി (ചെയര്മാന്) അബ്ദുല്റഹ്മാന് അന്സാരി(എം.ഡി) ,ജാബിര് അന്സാരി കമ്പനിയുടെ സി.ഇ.ഒ മിസ്റ്റര്: പി.പി.ഫൈസല് തുടങ്ങിയവര് മത്സരാര്ത്ഥികള്ക്ക് ആവേശം പകര്ന്നുകൊണ്ട്പരിപാടികളില് ഉടനീളം പങ്കെടുത്തിരുന്നു.
ജീവനക്കാര്ക്ക് വേണ്ടി നടത്തിയ സമ്മാനകൂപ്പണ് നറുക്കെടുപ്പില് ബംബര് സമ്മാനങ്ങളായി ഒരാള്ക്ക് പന്ത്രണ്ടുഗ്രാം സ്വര്ണ്ണനാണയവും, രണ്ടു പേര്ക്ക് പതിനഞ്ചു ദിവസത്തെ ലീവും പോക്കറ്റ് മണിയും ഉള്പ്പെടെ സ്വദേശത്തെക്കുള്ള റിട്ടേണ് ടിക്കറ്റും കൂടാതെ ഐപോഡ്കള്, മൊബൈല്ഫോണുകള്, ക്യാമറകള്, വി സി ഡികള് ,സൌണ്ട് സിസ്റ്റം തുടങ്ങിയ ഇരുനൂറിലേറെ പ്രോത്സാഹനസമ്മാനങ്ങളും ഉണ്ടായിരുന്നു.
കമ്പനി അഡ്മിനിസ്ട്രേഷന് മാനേജര് ഹബീബ് മുഹമ്മദുണ്ണിയുടെ നന്ദി പ്രകാശാനത്തോടെ കൃത്യം പന്ത്രണ്ടു മണിക്ക് ആഘോഷത്തിനു തിരശീലവീണു.
കൂടുതല് വിവരങ്ങള്ക്ക് സന്ദര്ശിക്കുക : www.family.com.qa
പരിപാടികളില് നിന്നുള്ള ചില ഫോട്ടോകള് കാണാം ..
ആഘോഷങ്ങള് നന്നായിരുന്നുവെന്ന് ചിത്രങ്ങളില് നിന്ന് മനസ്സിലാവുന്നു. ഫാമിലി ഫുഡ് സെന്ററിന്റെ ചിത്രവും കൊടുത്തത് നന്നായി.
ReplyDeleteവൈകീട്ട് രണ്ടു മണിക്ക് തുടങ്ങിയ എന്ന് എഴുതിയത് വായിച്ചപ്പോള് ഒരു സംശയവും തോന്നി.
പ്രവാസജീവിതത്തില് എന്നും ഓര്ത്തുവെയ്ക്കുവാന് ഇതുപോലെയുള്ള മനസ്സിന് സന്തോഷം നല്കുന്ന പരിപാടികളെ ഉണ്ടാവു.തൊഴിലാളികളുടെ സന്തോഷം മാത്രം മുന്നില് കണ്ടുകൊണ്ട് നടത്തപെട്ട ഫാമിലിഫീസ്റ്റിന്റെ സംഘാടകര് എന്തുകൊണ്ടും അഭിന്ദനം അര്ഹിക്കുന്നു.വളരെ വിശദമായി ലേഖനം എഴുതിയ ലേഖകന് നന്ദി .തൊഴിയൂരിലെ ഒരുപാട് വിശേഷങ്ങള് ഇനിയും വായനക്കാരിലേക്ക് എത്തുവാനുണ്ട് സമയ ലഭ്യതപോലെ എഴുതുവാന് ശ്രമിക്കുക . ആശംസകള്..............
ReplyDeleteഅഞ്ചെട്ടു മണിക്കൂറില് ഇത്ര പരിപാടികളെ ഉണ്ടായിരുന്നുള്ളൂ.!
ReplyDeleteആകര്ഷകം -അനുകരണീയം ...അഭിനന്ദനങ്ങള്!
ReplyDelete